Oi Maninjau padilah masak
Anam kota banyak basaluang
Dibuek niru dari batuang
Kok baguran sasamo awak
Mari kito duduak basaluang
Paubek rindu takana kampuang
Kabaruah batang antokan
Tampek mangalia air danau
Dalam daerah muko-muko
Hati rusuah jan paturuikan
Cubo dirintang jo bagurau
Nak nyo tabukak kiro-kiro
Mansiang di rumpun lansek
Indak den sangko kababuah
Babuah juo malah kironyo
Den susun den kabek arek
Indak den sangko kabarubah
Barubah juo malah kironyo
Jikok buyuang pai kalapan
Hiyu bali balanak bali
Ikan panjang bali dahulu
Jikok buyuang pai marantau
Ibu cari den sanak cari
Induak samang cari dahulu
Anam koto di tapi danau
Ado kampuang balai belo
Tamasuak pulo koto tinggi
Aia mato salamo risau
Kok ditampuang sajak samulo
Elok kalubuak tampek mandi
Batu manggai mamasang rasau
Digalapuang riak mamacah
Anyuik rakik kamuko jalan
Mangko denai pai marantau
Nan di kampuang huduiklah susah
Makin sulik mancari makan
Tidak ada komentar:
Posting Komentar